Húsógelluútilegan

Sælar stelpur

Við erum nokkrar sem erum að reyna að ná í ykkur allar og boða ykkur fagnaðarerindið um fyrirhugaða útilegu. Stefnan er s.s. að tjalda í Atlavík og gera e-ð skemmtilegt helgina 17.-19. ágúst.  Eins og gengur komast aldrei allar og ég efast um að allar séu búnar að ákveða sig endanlega með hvort þær koma eða ekki. 

Þessar gellur hafa tjáð sig um málið og eru heitar fyrir því að koma ef þær mögulega geta eru:

Sigríður, Auður, María, Tobba, Þórý, ég (Ingunn), Eva, Heiðdís, Berglind og Freydís

Þær sem komast ekki:

Lilja, Gauja, Hildur, Elva og Marsibil

Þær sem ég veit ekkert hvort koma eða ekki:

Sirrý, Anna, Hrafnhildur, Kristín, Rakel, Hrefna, Elsa, Þóra og Stefý.

Það væri gaman að fá þennan lista uppfærðan ef réttari upplýsingar liggja fyrir.

Svo er nú spurningin um það hvernig á að fara, þ.e. keyrandi eða með blikkdós á vegum flugfélags Íslands. Samkvæmt heimasíðu Flugfélagsins er lágmarksfjöldi 10 manns til að fá hópafslátt. Það er hins vegar ekki auðvelt að sjá hvort við myndum ná slíkum fjölda þar sem hópurinn er ansi dreifður um landið, m.a. eru margar okkar á Norðurlandi og svo auðvitað á Austurlandinu.

En ef fólk hefur áhuga á að fljúga (sem er náttúrulega gífurlega tímasparandi) held ég að við þurfum ekki að hafa áhyggjur af bílleysi á svæðinu, það verða einhver ráð með það.

En hvað finnst ykkur stúlkur mínar? Hvernig mynduð þið vilja fara ef þið ætlið á annað borð?

Endilega tjáið ykkur.

Kveðja,

Ingunn 

Hittingur í ágúst ...allar að koma!

Ég fékk sms frá Ingunni um daginn...

Húsógellu-útilega í Atlavík helgina 17.-19. ágúst...

Ætla ekki allar að mæta?

-Ég vona að ég verði ekki að vinna eða í prófum,
en það er möguleiki á báðum atriðum...
En ég amk. stefni á að koma og hitta ykkur :)
Vona að við fjölmennum og höfum stuð í nágrenni skólans góða í svo sem eina helgi.

En hvernig er það... er stefnt á heimsókn í skólann???
Verður hann nokkuð byrjaður?

Kv. Sigríður Inga -nýjasti íbúinn á Neskaupstað :)

Að vera í sambandi...

Hæbb

Setti tengla inn á bloggsíðurnar og barnalandssíðurnar okkar. Svosem ekkert nauðsynlegt verk en alveg gaman að hafa linkana á einum stað.

Ef þetta eru úreltar síður hjá einhverri sem ég er að setja inn þá endilega lagið það. Eins vantar mig linkanna á síðuna hjá Gauju og Hildi og þá fleiri ef það eru einhverjar að blogga sem ég veit ekki af.

Hafið það sem allra best

Ingunn

 

Gleði í byrjun sumars

Hæhæ

Ég er að vinna í smá endurbótum á húsósíðunni.

Mig langar að biðja þær sem eru með blogg og/eða síðu á barnalandi að setja tengil undir bloggvinir á síðuna okkar. Finnst ykkur það ekki annars skemmtilegt að hafa tengil þar inni? Ef/þegar síðan verður læst er alveg óhætt að gefa þetta upp, þar sem það verða bara við sem munum sjá þessar upplýsingar.

Svo er ég að vinna í svona kynningu á hverri og einni gellu, svona svipað og var á síðustu síðu. Þar er ég að spá í að setja upp mynd og svo upplýsingar um heimilisfang, síma, tölvupóst og msn, eða eftir því sem fólk vill og á við.

Eru ekki allar sáttar við þetta annars? þ.e. þið sem fáið póstinn. Ég er ekki með netföngin hjá fleirum og sit bara inn tilkynningu á síðuna líka.

Ég veit ekki alveg hvað ég verð fljót með þetta, leggst kannski yfir þetta og dríf þetta af, það kemur í ljós.

En annars smá fréttir af mér. Skólinn er löngu búin, skilin voru þó ekki skörp því síðasta prófið var 14. maí sem var auðvitað mikill gleðidagur og strax þann 17. var lagt af stað í námsferð (lesist bjór - og viskíferð) til Skotlands. Það var frábært í alla staði, ágætis veður, stórskemmtilegur hópur og dagskrá frá morgni til kvölds svo ég lærði fullt og er mjög ánægð með fríið, sem ég kýs að kalla þetta því það var bara gaman að læra í leiðinni.

Svo er hið daglega líf tekið við, ég er byrjuð að vinna hjá Vegagerðinni í Reykjavík þar sem mitt starf er að búa til gagnagrunn fyrir teikningar sem ekki eru til á stafrænu formi . Nóg um það. Finnst fínt að vera í Bænum, nóg að gera. Því er samt ekki að neita að ég sakna aðeins sveitaballastemmingarinnar og landsbyggðarinnar, tala nú ekki um Austurlands þar sem veðrið virðist alltaf betra en hér . En ég vinn það upp með því að fara bara í heimsókn austur.

Stefni til Mallorka eftir viku með allri fjölskyldunni minni og ég hlakka ekkert smá til, þó það mætti dreifa fríunum mínum aðeins meira. En það er svo sem ágætt að skella sér á meðan sumarið er ekki byrjað að fullu hér á klakanum. Svo er ég bara kát yfir sumrinu, sé fyrir mér endalausar útilegur um helgar, tíma til að gera allt, horfa á sjónvarpið, sauma, lesa, taka myndir og margt fleira skemmtilegt. Svo er bara spurning hversu mikið maður nennir að gera...

Jæja,  þetta er það eina sem mér dettur í hug í bili.

Vonast líka til að hitta ykkur sem flestar í sumar. Hafið það gott mínar kæru.

Kveðja,

Ingunn

 

 

  

gleðilegt sumar :)

Sælar skvísur... hvað segiði þá??

 Mig langaði bara að sýna smá lit og rita nokkur orð... ég hef svo sem ekki frá neinu sérstöku að segja... en ég er flutt í Grafarvogin og líkar bara mjög vel þar... þetta er nánast það lengsta sem maður kemst frá bænum en heldur sér samt fyrir innan Reykjavíkurmörkin, það hentar sveitastelpu eins og mér vel ;) Ég ætla bara að vera áfram á leikskólanum í sumar og líklegast næsta haust líka. Ætli ég láti ekki Háskólann býða aðeins lengur  Mig drullu langar samt í skóla en.... æji ég veit ekki ég er bara á svo miklum krossgötum í sambandi við nám

 Ég skrapp aðeins í bæinn í gær og það var ÆÐI að fara inn á staðina í "góða" loftið... engin reykingarmökkur yfir öllu  Á þessum 3 stöðum sem ég fór á sá ég einn ofurölva gamlan karl sem reyndi að komast inn með sígó í munnvikinu... og honum var vísað út um leið! HÚRRA fyrir því

Ég bið bara að heilsa í bili og vonandi sjáumst við sem fyrst

Kossar og knús Marsibil

Bara að segja hæ :)

Hæhæ, vona að þið hafið það allar ofsa gott :)

Ég er flutt austur á Neskaupstað til kæró og er hér í góðu yfirlæti hjá tengdó enn sem komið er.
Fer að vinna í álverinu á Rfj. 1. júní og er bara að chilla þangað til, very nice ;)

Ég vildi bara láta ykkur vita að ég er komin með nýja bloggsíðu
sigring.bloggar.is
og ég vonast til að sjá kvitt frá flestum ykkar þar inni sem fyrst ;)

Hafið það gott krúzlur... og Hildu, farðu vel með þig og bumbubúann...
Hilz... 
Sigríður Inga

Sumar og sól :)

Hæ hæ allt ágætt að frétta fyrir utan að það er búið að banna mér að vinna og á ég bara að taka það rólega eins og er. Vona samt að þetta lagist og ég meigi fara eitthvað að vinna . Er að drepast úr hita sólin skín svo inn enn það er bara gott að sólin er að koma enn viðurkenni að ég blóta henni nú stundum þar sem mér verður enn meir heitt út af hormónabreytingunum .Enn jæja er komin 20 vikur og 1 dag   og er semsagt hálfnuð, við vitum kynið enn það eru bara ömmur og afar sem fá að vita það og nánustu þannig sry þið verðið að bíða . Það er búið að breyta áætluðum fæðingard enn hann er núna 9 okt enn ekki 5 þannig að það fer að styttast í það :).Sakna ykkar allra ógó mikið knús og kossar til ykkar allra .Kveðja HIldur M og bumbukrílið:)

Seint skrifa sumir en skrifa þó

Halló allar!Ég veit! þegar ég hringdi í Þórdísi var eins og hún væri að heyra í draug en nei ég er enn lifandi, það breytist lítið hjá mér jú ég er búinn að eiga og eignaðist litla og sæta Anítu Eir þann 13 feb. uuuu það hefur lítið skánað hvað mér þykir gaman í tölvum og ekki bætt úr skák að ég náði mér í kerfisfræðing sem er miklu fljótari en ég að öllu þessu. EN ég lofa að reyna að fara bæta úr þessu og láta allavega vita af mér svona endrum og eins. Nóg um það er verið að gera heimasíðu fyrir dótturinna sem verður www.anita-eir.is endilega kikkið ég lofa að það verður oftar skrifað þar  annars ætla ég að reyna setja nokkrar myndir fyrir ykkur. Allavegna þangað til næst (lofa að það verður ekki eins langt á milli) Lilja Dögg.

Enn og aftur ég

Sælar dúllurnar mínar og gleðilega páska

Mig langar að spyrja ykkur álits á einu. Hvernig fyndist ykkur að læsa síðunni? Það þýðir að bara þeir sem eru með lykilorð geta skoðað hana. Ég veit að með því geta aðrir ekki skoðað síðuna en ég veit svosem ekki hversu margir aðrir en við gera það... og það er þá svosem til lítils gagns fyrir þá, nema þetta er óbein auglýsing fyrir skólann. En kosturinn sem ég sé við þessa læsingu er sá að með henni gætum við sett upp heildar heimilisfanga-, netfanga - og símaskrá með upplýsingum um okkur allar. Þá væri auðveldara að hafa samband við allar þegar á að auglýsa stórviðburði og mun léttara að uppfæra skránna ef upplýsingarnar breytast. Ég held að það sé nauðsynlegt að læsa síðunni ef á að fara út í þetta því þetta eru upplýsingar sem maður (eða a.m.k. ég) kæri mig ekki um að liggi fyrir allra augum en þið megið alveg sjá þær.  

Látið heyra frá ykkur.

Kveðja,

Ingunn

P.s. Ég skal taka að mér að gera þessa skrá ef það verður samþykkt.... en ekki fyrr en í maí.

Páskafrí

Sælar stelpur

Ég ákvað bara svona rétt eins og Þórdís að tjá mig eitthvað, bara svona til að láta aðeins heyra frá mér.

Annars er ekki neitt að frétta. Ég er heima í páskafríi og slappa af svona milli þess sem ég geri verkefni fyrir skólann, sem virðast hafa hrúgast inn á síðustu stundu rétt fyrir páska og á að skila rétt eftir páska  En annars er þetta allt að koma og sumarið á næsta leiti, þ.e. eftir próf.

Og það er svo sannarlega þess virði að leggja eitthvað á sig í lærdómi núna því þá get ég notið sumarsins þeim mun betur. Strax eftir próf er ég að fara í 10 daga námsferð til Skotlands með land - og ferðamálafræði og verður sú ferð án efa mikil snilld. Þar á eftir fer ég í 2 vikur til Mallorka með mömmu og pabba, bræðrum mínum, fjölskyldu annars þeirra og Pálma mínum og það hefur nú ekki gerst lengi að öll fjölskyldan hittist svona snemma. Dagskrá sumarsins er að öðru leiti ekki alveg komin á hreint, nokkrar óplanaðar helgar auk þess sem ég er ekki komin með vinnu  sem ætti að valda smá áhyggjum... En ég hlýt að finna mér eitthvað að gera, hvort sem það verður í Rvk eða á Austurlandinu.

Ég ákvað að nota mér myndasíðuna og skella inn nokkrum myndum síðan á einhverjum hittingnum um árið, reyni að setja inn fleiri eftir þvi sem ég gef mér tíma til.

Hafið það sem allra best yfir páskana.

Ingunn

p.s. Til hamingju með bumbubúann Hildur. Það gat ekki verið að það væri engin okkar ólétt hehe