Það fer aldrei ver en illa

Jæja, við Ingunn ákváðum að tékka hvort það væri meiri stemmning fyrir hitting og út að borða núna heldur en var um daginn  Þó svo hagkerfið sé alveg hrunið og allir á hausnum ættum við nú a.m.k að geta splæst í pulsu og kók bara til að hittast eða er þaggi?  

Hvernig lýst ykkur á t.d. miðvikudaginn 5. nóvember (miðvikudaginn í næstuviku)? Eða eru einhverjar með óskadag frekar? Kannski einhverjar sem eru að koma í bæjin fljótlega og vilja vera með?

Annað líka. Hvernig er með bústað... Eru einhverjar geim í smá vetrarferð í bústað (það þarf alls ekki að vera dýrt, sérstaklega ef margar eru með) eða eru allir of uppteknir í kreppunni við skóla og vinnu? Allavega ef það á að fara fyrir jól þarf að pæla í því fljótlega

Endilega tjáið ykkur! kv. Þórý

P.s. er engin séns að ýta á enter án þess að fá svona risa greinarskil?

æjj fannst bara hálf lélegt að vera alltaf að kíkja hingað inn og sjá hvort eitthvað er að gerast og gera svo aldrei neitt í því að ekkert gerist!

Og Fyrirsögnin er bara villandi því ég hef ekkert gott slúður handa ykkur, vildi bara tékka hvort ég fengi ekki einhver viðbrögð hehe  Ég er enn bara í HÍ í félagsráðgjöf og er nr. 29 á lista til að fá stúdentaíbúð í bænum. Vinn svo á leikskóla í Keflavíkinni poggu stund á daginn, aðallega bara til að geta sagst vera að vinna með skóla og fá vorkunn (djók, það vorkennir mér engin, því miður annars gæti ég kannski sníkt péning af þeim... ). Annars bara ekkert merkilegra að frétta.

En er ekkert að frétta hjá neinum? Ekki einu sinni nein ólétt eða eitthvað skemmtilegt?

 knús frá Þórý (sem finnst að fólk eigi að blogga meira svo það sé hægt að skemmta sér yfir því í staðin fyrir að læra)

P.s. Hey fer svo ekki að koma tími á einhvern smá hitting?

Ég var nú búin að nefna það í einhverju kommenti hérna frá mér að ég átti litla prinsessu 06.06.08. Hún var 16,5 merkur og 54cm... engin smásmíði! Enda lét hún bíða eftir sér í 10 daga + 9mánuði ;) Við létum svo skíra hana á laugardaginn 28.06 og gáfum  henni nafn í leiðinni. Hún fékk nafnið Emilía Kristín sem er í höfuðið á systir Guðjóns sem er látin og mömmu minni. Hér er svo mynd af Emilíu Kristínu í skírnarkjólnum ;)

Annars er bara allt gott að frétta af mér... er búin að vera meira og minna heima fyrir síðan Emilía fæddist, hún er mikil brjóstakona og þá er eins gott að vera tilbúin þegar kallið kemur ;) mér líkar móðurhlutverkið mjög vel og gat ekki ímyndað mér hvað maður getur elskað svona litla manneskju mikið og eitt endalausum tíma í það eitt að horfa á hana sofa!! Við ætlum að fara að ferðast aðeins með hana núna, fara kannski í sumarbústað í vikunni, írskir dagar eru svo næstu helgi og við megum ekki láta okkur vanta þar frekar en hin árin og svo er Húnavaka helgina eftir það. Við ætlum svo líka í Fljótin í júlí og svo á Fiskidaginn mikla í ágúst þannig að það er eins gott að Emilíu líki vel við bílinn og bílstólinn ;) Eru einhverjar ykkar að fara á eitthvað af þessum bæjarhátíðum?

Kossar og knús til ykkar. Kv. Marsibil

Hæja gellur

Smá fréttir af mér fyrst: Er búin í skólanum þessa önnina og komin í félagsráðgjöf (ehh já ég veit ég er algjör skiptinemi  En held ég endist nú samt í þessu). Vinn núna full time á leikskóla hérna í Keflavíkinni og býð eftir íbúð á stúdentagörðunum í bænum. Er ennþá að bíða því umsóknin mín fór í fokk ( úbbsí). En fyrst ég vinn á leikskóla sem er lokaður í smá tíma þá fæ ég sumarfrí í fyrsta skipti síðan.... Ever svo ef einhver hefur ekkert að gera í júlí þá endilega vera í bandi því ég sé framá að deyja úr leiðindum  Hittir reyndar á að ná fríi framyfir verslunarmannahelgi svo ég næ loksins loksins að fara til Eyja vúhú!!! Hef annars alltaf verið að vinna sem er ekki tjaa beint skemmtilegt. Allavega himm hugsa það sé ekkert merkilegra að frétta hérnamegin... engin ólétta eða neitt svona skemmtó eins og hjá svo mörgum hehe

Svo kemur aðalatriðið: Hvernig lýst ykkur á smá hitting í næstu viku? Nánar tiltekið á Þriðjudaginn, annað hvort smá éting svona um 7 leitið eða bara á kaffihús um kvöldið? Sá að Freydís er í bænum og svona þá er kannski hægt að hitta hana (er það ekki annars Freydís?  ), fá fréttir af jarðskjálftasvæðum (ef Anna og Tobba komast), barninu sem verður vonandi mætt í partý hjá Marsibil eða bara eitthvað annað, ekki eins og við þurfum neina sérstaka ástæðu til að hittast og svona er það nokkuð?

Allavega, Tjáið ykkur um komur og svona. Hlakka til að sjá ykkur skvísur!

Kveðjur úr Keflavíkinni, Þórý (P.s. Ingunn er að sjálfsögðu mastermind með hittinginn sko hehe)